(សៀមរាប) ៖ ស្លាបមាន់ ៣៦២កេស ស្មើនឹង ៤,៣៤៤គីឡូក្រាម ដែលឈ្មួញដឹកញ្ជូនគ្មានច្បាប់អនុញ្ញាត បន្ទាប់ពីកម្លាំងនៃផែនការងារនគរបាលប្រឆាំងបទល្មើសសេដ្ឋកិច្ច នៃស្នងការនគរបាលខេត្តសៀមរាប សហការជាមួយមន្រ្តីជំនាញពាក់ព័ន្ធដោយមានការបញ្ជាដឹកនាំដោយ លោកឧត្តមសេនីយ៍ទោហួត សុធី ស្នងការនគរបាលខេត្ត និងសម្របសម្រួលនីតិវិធីពី លោក មាស ច័ន្ទពិសិដ្ឋ ព្រះរាជអាជ្ញា នៃអយ្យការអមសាលាដំបូងខេត្តសៀមរាប។
លោកឧត្តមសេនីយ៍ត្រី សឿន សេន ស្នងការរងទទួលផែនការងារនគរបាលប្រឆាំងបទល្មើសសេដ្ឋកិច្ច នៃស្នងការនគរបាលខេត្តសៀមរាប បានឲ្យដឹងថា វត្ថុតាងសាច់ចុងស្លាបមាន់ សមត្ថកិច្ចបានដុតបំផ្លាញចោល នៅទីលានចាក់សំរាម ក្នុងភូមិសាស្រ្តស្រុកប្រាសាទបាគង នៅរសៀលថ្ងៃទី៤ ខែធ្នូ ឆ្នាំ២០២៤។ ស្លាបមាន់ទាំងនោះ ដឹកញ្ជូនគ្មានច្បាប់អនុញ្ញាត និងការរក្សាទុកមិនត្រឹមត្រូវតាមស្តង់ដារគុណភាព កាលពីថ្ងៃទី២ ខែធ្នូ ឆ្នាំ២០២៤។
ក្នុងករណីនេះ មធ្យោបាយដឹកជញ្ជូន ត្រូវបានរក្សាទុកនៅស្នងការដ្ឋាននគរបាលខេត្ត ដើម្បីបន្តតាមនីតិវិធីច្បាប់៕
