ព័ត៌មានសន្តិសុខសង្គម

(ភ្នំពេញ) ៖ រថយន្តស៊េរីទំនើបម៉ាក LAND ROVER DEFENDER ១គ្រឿង ខណៈម្ចាស់បើកចូលមកដល់មុខ​ផ្ទះ​ ក៏ស្រាប់តែឆ្លងចរន្តបង្កជាអគ្គិភ័យឆេះសន្ធោសន្ធៅ ផ្អើល​ពលរដ្ឋ និង​រថយន្តពន្លត់អគ្គិភ័យអន្តរាគមន៍បាញ់ពន្លត់ កាលវេលាម៉ោង ១៖៤០នាទី ឈាន​ចូល​ថ្ងៃ​ទី​១០ ខែ​កុម្ភៈ ឆ្នាំ​២០២៥​ នៅ​ក្នុង​បុរី​The Woods មុខ​ផ្ទះលេខP19 សង្កាត់ព្រែកឯង​ ខណ្ឌច្បារអំពៅ​ រាជធានីភ្នំពេញ ។ យោងតាមប្រភពព័ត៌មានពីកន្លែងកើតហេតុ បានដឹងថា​ មុនពេលកើតហេតុរថយន្តម៉ាក ​LAND ROVER ពណ៌​ខ្មៅ​ ពាក់​ស្លាក​លេខ​ កម្ពុជា​ PLK.0108 គឺបើកនារីម្នាក់បានបើកចេញពី​ផ្ទះ​បង​ប្អូន​ម្តុំ​បុរី​សម្បត្តិ​មាន​ហេង​ ខណ្ឌ​ច្បារ​អំពៅ​ ដើម្បី​ត្រឡប់ទៅផ្ទះ​ក្នុងបុរីខាង​លើ​ លុះ​រថយន្តបើកដល់មុខផ្ទះរបស់ខ្លួន​ មិនដឹង​ថាមានបញ្ហា​អ្វីនោះទេក៏ស្រាប់តែរថយន្តបានឆ្លងឆេះចេញពីក្បាលរថយន្ត​ខាង​មុខ​សន្ធោសន្ធៅតែម្ដង ។ ​ប្រភព​ដដែល​ បាន​បន្ត​ទៀត​ថា​ ដោយ​ឃើញ​ហេតុការណ៍នេះ​ហើយ​ ក៏បាន​ប្រជាពលរដ្ឋ​ក៏ដូ​ច​ជា​សន្តិសុខ​ ដែលយាម​ក្នុង​បុរី​នៅទីនោះបានយកបំពង់ពន្លត់អគ្គិភ័យមកបាញ់អស់ជាច្រើន តែភ្លើងមិនរលត់នោះទេ ទើបរាយការណ៍ជូនអាជ្ញាធរមានសមត្ថកិច្ចសុំរថយន្តជំនួយពន្លត់អគ្គិភ័យរបស់សាលាខណ្ឌច្បារអំពៅ ១​គ្រឿង​ ចេញទៅអន្តរាគមន៍បាញ់ពន្លត់រហូតដល់ម៉ោង ២៖១០នាទីយប់ថ្ងៃដដែល​ទើបធ្វើឱ្យភ្លើងរលត់ទៅវិញ ។ ក្នុងហេតុការណ៍នេះដែរ មិនមានគ្រោះថ្នាក់ដល់មនុស្សណាម្នាក់នោះទេ គ្រាន់តែឆេះរថយន្តស៊េរីទំនើបអស់ទាំងស្រុង ។​ ចំពោះមូលហេតុ សមត្ថកិច្ចសង្ស័យ​មកពីឆ្លងចរន្តទើបបង្កជាអគ្គិភ័យបែបនេះ​ […]

ខេត្តក្រចេះ៖ លោកវរសេនីយ៍ទោ លាត ញ៉ មេបញ្ជាការកងវរសេនាតូចលេខ ២២៧ បានដឹកនាំកម្លាំងចុះប្រតិបត្តិការបង្ក្រាបគំនរឈើរបស់ លោក ធា លាក់ទុកមួយកន្លែង នៅចំណុច ភូមិរមួល ឃុំកំពង់ចាម ស្រុកសំបូរ ខេត្តក្រចេះ នៅថ្ងៃទី ០៨ ខែកុម្ភៈ ឆ្នាំ ២០២៥នេះ។ យោងតាមរបាយការណ៍ពីសមត្ថកិច្ច បានឲ្យដឹងថា ក្នុងប្រតិបត្តិការចុះបង្ក្រាបនេះ គឺមានបទបញ្ជាលោកនាយសេនាធិការយោធភូមិភាគទី២ និងបានប្រើប្រាស់កម្លាំងយោធាចំនួន ២៣ នាក់ ក្នុងប្រតិបត្តិការចុះបង្ក្រាប បានដកហូតឈើប្រភេទ ឈើក្រហម បានប្រមាណជាង ១២ ម៉ែត្រគូប ដែលគេដឹងថា ជារបស់ លោក ធា មានទីលំនៅ ឃុំពាមកោះស្នា ស្រុកស្ទឹងត្រង់ ខេត្តកំពង់ចាម បានរត់គេចខ្លួនបាត់មុនពេលកម្លាំងចុះទៅដល់។ ប្រភពព័ត៌មាន បានបញ្ជាក់ថា គំនរឈើទាំងនេះ ក្រុមឈ្មួញ បានលាក់ទុក ដើម្បីត្រៀមរៀបចំលើកដាក់រថយន្តសាំយ៉ុង ដើម្បីយកទៅចែកចាយបន្តទៀត នៅតាមបណ្ដាខេត្តនានា។ ប្រភព បានបញ្ជាក់បន្ថែមថា គំនរឈើប្រមាណជាង ១២ ម៉ែត្រគូបនេះ […]

(ភ្នំពេញ) ៖ ដោយមានការចង្អុលបង្ហាញបញ្ជាដឹកនាំដោយ ឯក​ឧត្តម ឧត្តមសេនីយ៍ឯក ង៉េង ជួ ប្រធាននាយកដ្ឋាន​នគរបាលព្រហ្មទណ្ឌ នៅថ្ងៃទី៦ ខែកុម្ភៈ ឆ្នាំ២០២៥ វេលាម៉ោង ​១៦៖៤១នាទី​ លោកឧត្តមសេនីយ៍ត្រី​ ប៊ុត​ វណ្ណារដ្ឋ​ អនុប្រធាននាយកដ្ឋានទទួលផែនការិយាល័យព្រហ្មទណ្ឌកម្រិតធ្ងន់​ ដែលមានលោកវរសេនីយ៍ឯក​ ញ៉ែម​ វ៉ន​ ជានាយការិយាល័យ និងមានការចូលរួមពីលោក​វរសេនីយ៍ទោ​ ប៊ុត​ ស៊ីម៉េង​ ជានាយការិយាល័យ បានដឹកនាំកម្លាំងជំនាញ ធ្វើការឃាត់ខ្លួនជនសង្ស័យបានម្នាក់ នៅចំណុចមុខផ្ទះលេខ៦២​ ផ្លូវលេខ១១C ក្នុងសង្កាត់កន្ទោក ខណ្ឌកំបូល រាជធានីភ្នំពេញ ។ ជនសង្ស័យមានឈ្មោះ ឈុំ​ ប៊ុនធឿន​ ភេទប្រុស អាយុ ២៧ឆ្នាំ ជនជាតិខ្មែរ មុខរបរមិនពិតប្រាកដ ទីកន្លែងស្នាក់នៅផ្ទះលេខ៦២ ផ្លូវលេខ១១C សង្កាត់កន្ទោក ខណ្ឌកំបូល រាជធានីភ្នំពេញ ។ ដោយនៅថ្ងៃទី០៤ ខែកុម្ភៈ ឆ្នាំ២០២៥ វេលាម៉ោង ១១៖១០នាទី​ បានធ្វើសកម្មភាពឆក់យកទូរសព្ទដៃពីក្មេងកំពុងចុចនៅក្នុងផ្ទះបានសម្រេច​ នៅចំណុចផ្ទះលេខB១៥​ ផ្លូវលេខ០១ […]

កំពង់ស្ពឺ​៖​ នៅលើផ្លូវជាតិលេខ៤ ចន្លោះគីឡូម៉ែត្រ១០៣-១០៤ ត្រង់ចំណុចចុះចំ​ណោទភូមិទី៦ ឃុំយា​យម៉ៅពេជ្រនិល ស្រុកភ្នំស្រួច មា​នករណីគ្រោះថ្នាក់ចរាចរណ៍បង្កឡេីងរវាង​រថយន្ត១​គ្រឿង ម៉ាក HY​UNDAI ពណ៌ស ពាក់ផ្លាកលេខ​ ភ្នំពេញ3​E-​7​768 បើកបរដោយឈ្មោះ រ៉ុង ធួក ភេទប្រុស អាយុ​៤៨​ឆ្នាំ ភូមិបឹងតាមុំ ឃុំផុង ស្រុកបសេដ្ឋ ខេត្តកំពង់ស្ពឺ បើកបរពីទិសខាងកើតទៅទិសខាង​លិច មកដល់ចំណុចខា​ងលើ បានទៅបុករថយន្ត​ ១គ្រឿង ម៉ាក ISUZU ពណ៌​ស ពាក់ផ្លាកលេខភ្នំពេញ3F-8332 បើកបរដោយឈ្មោះ ឃីម ស៊ាងហ៊ន់ ភេទប្រុស អាយុ២៦ឆ្នាំ រស់នៅភូមិដំណាក់ស្នួល ឃុំគោគគង់ ស្រុកកញ្ជៀច ខេត្តព្រៃវែង​ អ្នករួមដំណើរ១នាក់ក្នុងទិសដៅបញ្ច្រាសទិសគ្នា បណ្ដា​លឲ្យគ្រោះថ្នាក់មនុស្ស និងខូចខា​តទ្រព្យសម្បត្ដិ​ ស្លាប់​៣នាក់​(ប្រុស)​ និងខូចខាតរថយន្ត២គ្រឿងធ្ងន់ធ្ងរ។ យោងតាមការឱ្យដឹងពី​ លោកអធិការ​នគរបាល​ស្រុក​ភ្នំ​ស្រួច​ បា​នអះអាងថា​ មូលហេតុ​សន្និដ្ឋាន​ដោយជំនាញ​ថា​ បណ្ដាល​មក​ពី​អ្នកបេីកបររថយន្ដស្ទូចរេចង្កូតទៅផ្នែកគន្លងផ្លូវរថយន្ដដែលចុះចំ​ណោទ​ទេីបបណ្ដាលឱ្យបុកគ្នាតែម្ដង​។ រីឯ​វត្ថុតាងរថ​យ​ន្ដទាំង២គ្រឿងសមត្ថកិច្ចបានស្ទូច​យកមករក្សាទុកនៅអធិ​ការដ្ឋាននគរបាលស្រុកភ្នំស្រួច​ ដើម្បីចាត់ការតាមនីតិវិ​ធី៕

សៀមរាប៖ នាយកដ្ឋានប្រឆាំងបទល្មើសបច្ចេកវិទ្យា បានបើកការស៊ើបអង្កេត ស្រាវជ្រាវករណីជួញដូរអាវុធតាមប្រព័ន្ធតេឡេក្រាម នៅថ្ងៃទី៥ ខែកុម្ភៈ ឆ្នាំ២០២៥។ ជាលទ្ធផល សមត្ថកិច្ច សហការជាមួយស្នងការដ្ឋាននគរបាលខេត្តសៀមរាប និងមានការសម្របសម្រួលពីអយ្យការអមសាលាដំបូងខេត្តសៀមរាប បានធ្វើការឃាត់ខ្លួនជនសង្ស័យឈ្មោះ ស.ច.រ ភេទប្រុស នៅផ្ទះរបស់ជនសង្ស័យ ដែលមានអាសយដ្ឋានស្ថិតនៅភូមិតាវៀន សង្កាត់សាលាកំរើក ក្រុងសៀមរាប ខេត្តសៀមរាប ដោយរឹបអូសបានវត្ថុតាង រួមមាន កាំភ្លើងកែច្នៃបាញ់គ្រាប់ពិត និងកាំភ្លើងប្រើហ្គាស ចំនួន៧ដើម ព្រមទាំងគ្រាប់មួយចំនួន ផងដែរ។ តាមការសួរចម្លើយរបស់សមត្ថកិច្ច ជនសង្ស័យខាងលើបានសារភាពថា ខ្លួនពិតជាបានបង្កើត channel telegram និងទាក់ទងតាមបណ្ដាញសង្គមនានា ដើម្បីអូសទាញឲ្យគេកម្មង់ទិញ គ្រឿងសពាវុធទាំងនោះ។ ដោយបង្គាប់ឲ្យគេផ្ទេរប្រាក់មកជាមុន។ បន្ទាប់ពីទទួលបានប្រាក់រួចហើយ គេក៏ធ្វើការផ្តាច់ទំនាក់ទំនងជាមួយអតិថិជនទាំងនោះ ដែលទង្វើនេះគឺជាអំពើឆបោក។ បច្ចុប្បន្ន ស្នងការដ្ឋាននគរបាលខេត្តសៀមរាប បានធ្វើការចោទប្រកាន់ពីបទ រក្សាទុក ចរាចរណ៍ និងជួញដូរ អាវុធខុសច្បាស់ ព្រមទាំង ឆបោកតាមបណ្តាញទំនាក់ទំនងសង្គម និងកំពុងបន្តនីតិវិធីកសាងសំណុំរឿងដើម្បីបញ្ជូនជនសង្ស័យទៅកាន់សាលាដំបូងខេត្តសៀមរាប៕

(បាត់ដំបង)៖ ករណីក្មេងទំនើងដេញកាប់ចាក់គ្នានៅមាត់ស្ទឹងសង្កែត្រើយខាងកើត ស្ថិតក្នុងសង្កាត់ព្រែកព្រះស្ដេច ក្រុងបាត់ដំបង ត្រូវបានកម្លាំងស្នងការដ្ឋាននគរបាលខេត្ត ក្រោមការដឹកនាំបញ្ជាផ្ទាល់ពីលោកឧត្តមសេនីយ៍ទោ ដាញ់ អេងប៊ុនចាន់ ស្នងការនគរបាលខេត្ត ស្រាវជ្រាវបង្ក្រាបបាន៤នាក់។ របាយការណ៍របស់ស្នងការដ្ឋាននគរបាលខេត្តបាត់ដំបង នៅព្រឹកថ្ងៃទី៤ ខែកុម្ភៈ ឆ្នាំ២០២៥នេះ បានឲ្យដឹងថា ហេតុការណ៍ក្មេងទំនើងដេញកាប់ចាក់គ្នានេះ បានកើតឡើងនៅយប់ថ្ងៃទី៣ ខែកុម្ភៈ ឆ្នាំ២០២៥ ហើយក៏មានការចែកចាយសកម្មភាពវីដេអូនៅតាមបណ្ដាញសង្គមផងដែរ។ ក្រោយទទួលបានព័ត៌មាននេះ លោកឧត្តមសេនីយ៍ទោ ដាញ់ អេងប៊ុនចាន់ បានដាក់បទបញ្ជាដល់ការិយាល័យជំនាញ និងអធិការនគរបាលក្រុងបាត់ដំបង ត្រូវចាត់វិធានការជាបន្ទាន់លើករណីនេះ។ រហូតមកដល់ពេលនេះ សមត្ថកិច្ចកំណត់មុខសញ្ញា និងបាននាំខ្លួនពួកគេចំនួន៤នាក់ យកមកធ្វើការសាកសួរ និងចាត់វិធានការតាមផ្លូវច្បាប់ដោយគ្មានការលើកលែងឡើយ។ លោកឧត្តមសេនីយ៍ទោ ស្នងការ ក៏បានដាស់តឿនជាថ្មីម្តងទៀត ចំពោះក្រុមយុវជន ដែលធ្លាប់បានធ្វើសកម្មភាពបង្កការអុកឡុករំខាន នៅទីសាធារណៈធ្វើឲ្យប៉ះពាល់ដល់សន្តិសុខ សណ្តាប់ធ្នាប់សង្គមក្នុងមូលដ្ឋាន ត្រូវបញ្ឈប់សកម្មភាពជាបន្ទាន់ ព្រោះសមត្ថកិច្ចមិនមានការលើកលែង អនុគ្រោះបន្តទៀតនោះទេ បើពួកគេនៅតែបន្តសកម្មភាពបែបនេះ៕

(ភ្នំពេញ)៖ បុរស​ម្នាក់បើក​រថយន្ដ​ HYUNDAI Starex ពាក់​ផ្លាក​លេខ​ ភ្នំពេញ​ 2BW-9795 តាម​បណ្ដោយ​ផ្លូវ​៦០ម៉ែត្រ​ ទិសដៅ​ពី​ត្បូង​ទៅជើង ​បាន​រេ​ចង្កូត​បុក​បុរសម្នាក់​ដែល​កំពុង​បណ្ដើរ​ម៉ូតូ​សណ្ដោង​រម៉កតាម​ផ្លូវ បណ្ដាលឲ្យ​ស្លាប់។ ក្រោយបង្កគ្រោះថ្នាក់ចរាចរណ៍ អ្នកបើករថយុន្ត បាន​ព្យាយាមបើក​រត់​គេច តែ​ត្រូវ​បាន​ប្រជាពលរដ្ឋ​ដេញ​តាម​ឃាត់ រួច​ប្រគល់​ឲ្យ​សមត្ថកិច្ច​បន្ត​តាម​នីតិវិធី​ច្បាប់​។ ហេតុការណ៍​នេះ​ បាន​កើតឡើង​កាល​ពី​វេលា​ម៉ោង ​៧៖៤៥នាទី​យប់​ថ្ងៃ​ទី២​ ខែ​កុម្ភៈ​ ឆ្នាំ​២០២៥​ ស្ថិត​តាម​បណ្ដោយ​ផ្លូវ​៦០ម៉ែត្រ​ សង្កាត់ជើងឯក​ ខណ្ឌ​ដង្កោ​ រាជធានី​ភ្នំពេញ​។ ក្រោយ​ពេល​កើត​ហេតុ ​សមត្ថកិច្ច​ជំនាញ​ចរាចរណ៍​ផ្លូវគោក​ នៃ​ស្នងការដ្ឋាន​នគរបាល​រាជធានី​ភ្នំពេញ​ បានចុះ​មក​ធ្វើ​ការ​វាស់​វែង​យក​រថយន្ត​ និង​ម៉ូតូ​សណ្ដោង​រម៉កទៅ​រក្សា​ទុក​រង់ចាំ​ការ​ដោះស្រាយ​នៅ​ពេល​ក្រោយ​។ ចំណែក​ឯ​សព​ជន​រងគ្រោះ​ ត្រូវបានប្រគល់​ឲ្យ​សាច់​ញាតិ​យកទៅ​ធ្វើ​បុណ្យ​តាម​ប្រពៃណី​។ សម្រាប់អ្នកបើកបរ ត្រូវបាននគរបាលឃាត់ខ្លួន បញ្ជូនទៅកាន់ស្នងការដ្ឋាននគរបាលរាជធានីភ្នំពេញ ដើម្បីកសាងសំណុំរឿងបញ្ជូនទៅតុលាការចាត់ការតាមច្បាប់​។ បើតាមសមត្ថកិច្ច ក្រោយការវាស់ជាតិអាកុល រកឃើញថាមានកម្រិត ០,៦៧មីល្លីក្រាមក្នុងមួយលីត្រខ្យល់។

បន្ទាយមានជ័យ: បន្ទាប់ពីមានករណីមនុស្សលោតសម្រាប់ខ្លួនពីលើអគារ កាស៉ីណូក្រោនរីសត ក្នុងភូមិក្បាលស្ពាន១ សង្កាត់អូរជ្រៅ ក្រុងប៉ោយប៉ែត នៅថ្ងៃទី០២ ខែកុម្ភៈ ឆ្នាំ២០២៥ លោកឧត្តមសេនីយ៍ទោ សិទ្ធិ ឡោះ ស្នងការនៃស្នងការដ្ឋាននគរបាលខេត្តបន្ទាយមានជ័យ បានចេញបទបញ្ជាដល់កម្លាំងនគរបាលជំនាញ ព្រហ្មទណ្ឌរបស់ស្នងការដ្ឋាននគរបាលខេត្ត សហការជាមួយកម្លាំងនាយកដ្ឋាននគរបាលព្រហ្មទណ្ឌ និងកម្លាំងនគរបាលនាយកដ្ឋានចារកម្ម ក្រោមការដឹកនាំសម្របសម្រួលផ្ទាល់ដោយលោក លុយ ទីហូរ ព្រះរាជអាជ្ញារង នៃអយ្យការអមសាលាដំបូងខេត្តបន្ទាយមានជ័យ បានចុះធ្វើការស្រាវជ្រាវជុំវិញករណីនេះ។ ជាលទ្ធផលបានបង្ហាញថា មុនកើតហេតុមានជនរងគ្រោះម្នាក់មានឈ្មោះ PID NHARTONO ភេទប្រុស អាយុ37ឆ្នាំ ជនជាតិឥណ្ទូនេស៉ី ជាបុគ្គលិកកាស៉ីណូក្រោនរីសត បានមានជម្លោះទាស់ទែងគ្នាជាមួយមិត្តរួមការងារ ក្នុងកាស៉ីណូ ទើបបង្កឲ្យមានហឹង្សាកើតឡើង ហើយជនរងគ្រោះ បានរត់គេចខ្លួនតាមបង្អួចជាន់ទី៣នៃអគារកាស៉ីណូទើបបណ្តាលឲ្យធ្លាក់ស្លាប់បាត់បង់ជីវិតតែម្តង។ ភ្លាមៗនោះដែរកម្លាំងនគរបាលយើងបាន ឃាត់ខ្លួនជនសង្ស័យជនជនជាតិឥណ្ធូនេស៉ីចំនួន៥នាក់យកមកសួរនាំ រួមមាន: ១-ឈ្មោះ TOMMY FEBRY MAHULETTE ភេទប្រុស អាយុ២៩ឆ្នាំ ជនជាតិឥណ្ឌូនេស៊ី (ជនដៃ ដល់), ២-ឈ្មោះ៖ HUDLANTO ភេទប្រុស អាយុ៣០ឆ្នាំ ជនជាតិឥណ្ឌូនេស៊ី, ៣-ឈ្មោះ៖ GERY […]

(បាត់ដំបង) ៖ ប្រធានការិយាល័យបង្កានិងពន្លត់អគ្គីភ័យនៃស្នងការដ្ឋានគបាលខេត្តបាត់ដំបង លោក សេន ភារម្យ បានផ្តល់ព័ត៌មានមកថា មានជនមិនស្គាល់មុខបានលួចដុតវាលស្មៅមួយកន្លែង ស្ថិតនៅក្នុងបរិវេណព្រលានយន្តហោះវាលបែកចាន ខេត្តបាត់ដំបង នាវេលាម៉ោងជិត១រសៀល ថ្ងៃទី៣១ ខែមករា ឆ្នាំ២០២៥ ។ នៅក្នុងខណៈពេលដែលឃើញមានអណ្តាតភ្លើងឆាបឆេះវាលស្មៅសន្ធោសន្ធៅបែបនេះ ឃើញមានកងកម្លាំងយោធា នៅក្នុងព្រលានយន្តហោះនោះ រួមជាមួយប្រជាពលរដ្ឋ ព្រមទាំងរថយន្តបង្កានិងពន្លត់អគ្គីភ័យរបស់ស្នងការដ្ឋាននគរបាលខេត្តបាត់ដំបងបានធ្វើការអន្តរាគមន៍ជួយពន្លត់ភ្លាមៗ មិនឱ្យឆេះរាលដាលដល់ផ្ទះប្រជាពលរដ្ឋ ។ លោក ប្រធានការិយាល័យបង្កានិងពន្លត់អគ្គីភ័យនៃស្នងការដ្ឋានគបាលខេត្តបាត់ដំបង បានឱ្យដឹងទៀតថា ទីតាំងឆេះនេះស្ថិតនៅក្នុងព្រលានយន្តហោះវាលបែកចាន ក្រោយពេលដែលទទួលព័ត៌មានភ្លាម លោកបានបញ្ជូនរថយន្តបង្កា និងពន្លត់អគ្គីភ័យចំនួន ៤គ្រឿង ទៅអន្តរាគមន៍ភ្លាមៗ ដោយប្រើប្រាស់ទឹកអស់ចំនួន៣រថយន្ត ទើបគ្រប់គ្រង និងទប់ស្កាត់មិនឱ្យឆេះរាលដាលតទៅមុខទៀតនោះឡើយ ។ លោក សេន ភារម្យ បានបន្តថា ចំពោះមូលហេតុ ដែលបណ្តាលឱ្យមានភ្លើងឆាបឆេះវាលស្មៅនេះ គឺមានជនមិនស្គាល់មុខលួចដុត ខណៈពេលនេះសមត្ថកិច្ចជំនាញកំពុងធ្វើការស្រាវជ្រាវស្វែងរកមុខអ្នកលួចដុតនៅឡើយ ៕

(ភ្នំពេញ) ៖ នគរបាលប្រឆាំងបទល្មើសគ្រឿងញៀន​ បានធ្វើការស៊ើបអង្កេតស្រាវជ្រាវរហូតឃាត់ខ្លួនជនជាតិចិនម្នាក់ និងដកហូតសាធាតុញៀនចំនួនជាង​ ៤៧គីឡូក្រាម នៅក្បែរខុនដូរ SKY 31 សង្កាត់បឹងកក់ទី១ ខណ្ឌទួលគោក​ រាជធានីភ្នំពេញ ។ ប្រតិបត្តិការនេះ បានធ្វើឡើង កាលពីវេលាម៉ោង​ ១៣៖៣០នាទី នាថ្ងៃទី២៩ ខែមករា ឆ្នាំ២០២៥ ដោយកម្លាំងនគរបាល នៃមន្ទីរប្រឆាំងបទល្មើសគ្រឿងញៀន ដោយមានការដឹកនាំសម្រសម្រួលដោយ​ លោក គឹម ហុងសាន ព្រះរាជអាជ្ញារង នៃអយ្យការអមសាលាដំបូងរាជធានីភ្នំពេញ បានស្រាវជ្រាវ និងបង្រ្កាបការណី រក្សាទុក ដឹកជញ្ជូន គ្រឿងញៀនដោយឃាត់ខ្លួនជនសង្ស័យម្នាក់​ និងដកហូតវត្ថុតាងជិត​ ៥០គីឡូក្រាម ។ ក្នុងរង្វង់ប្រតិបត្តិការនេះ​ កម្លាំងនគរបាលជំនាញ បានធ្វើនៅគោលដៅចំនួន​ ២គោលដៅផ្សេងគ្នា លទ្ធផល៖ *គោលដៅទី១​ នៅក្បែរខុនដូរ SKY 31 សង្កាត់បឹងកក់ទី១ ខណ្ឌទួលគោក រាជធានីភ្នំពេញ ឃាត់ខ្លួនជនសង្ស័យបានចំនួន ១នាក់ ឈ្មោះ CHEN YAN CHENG (ឆេន […]